Hakha Chin / Hakha Chin (Myanmar)

Hi cawnnâk hrampi hna hi kan rian`uan pi hawi hna hmangin lehmi an si. Hi cawnnâk hrampi hna hi a lak i pek nan si hlei ah kan website in holh lehmi cawnnâk hrampi hna hi midang hna zong nih a lak te in an download khawh ve nâkhnga kan tlângzarh piak ding zong in kan in nawl hna.

These resources have been translated by our ministry partners. We provide these resources to you for free and ask that you would let others know, so they too can download translated resources for free from our website.

Truth 78 hi chantharmi hna nih Pathian sunparnâk caah zumhtlâk sal`ha bangin an nun khawh nâkhnga le Khrih cungah an ruahchannâk kha chia in Pathian cu an theih i upatnâk he an sunloih khawh nâkhnga ruahchannâk nganpi a ngeimi rian`uannâk a si.

Kan rian`uannâk bik (mission) cu mi thinlung le ruahnâk vialte a hlanh dih kho tu Pathian Bia tlamtling phuannâk hmangin chanthar minung hna zumhnâk `hanter ding le hi cawnnâk hrampi hna hi inn kip, Kawhhran kip ah chim le cawnpiak ding hi a si.

Hi cawnnâk hrampi hna hi Pathian cu a lai ah chia in Bible ning te in timhlamh mi a si, thawng`ha theihternâk le Khrih cawisânnâk ding kha i tinh khun in Thiang Thlarau cung ah â `hummi zong a si, a hmânmi zumhnâk zong fek te i i tlaih in zultu dang sernâk ca zong ah `hahnem ngai dingin timhtuah an si. Kanmah he pehtlaihnâk a ngei mi Kawhhran ah siseh, inn zong ah siseh, Christian sianginn zong ah ngakchia le mino cawnpiaknâk i a herh ding mi thilri hna kan nei dih hlei ah hringtu nu leh pa thapeknâk le forhfialnâk cauk hna zong pek awk ah timhcia in kan nei dih hna.

Hi ca lehnâk ah i tel hna na duh ve, asiloah hi cawnnâk hrampi hna hmannâk kong ah bia hal ding hna na ngeih asi ahcun [email protected] timi ah hin email in theihternâk rak kan pe ding in kan in nawl. A `ha bik in a lehnâk pek khawh kan in zuam hrim hrim lai.

Siannâk kong ah Theihternâk

Truth 78 nih cawnnâk thilri hna hi mah te i chuah`hânnâk le chungkhar, Kawhhran, Christian sianginn le Pathian rian`uannâk dangdang zong ah a herh ning pauh in hman khawhnâk nawl pek a si. Theihpinâk tello in mah chungkhar le pumpâk hlawknâk ah zuar le tlângzarh sian a si lo. Asinain midang zong nih kan website ah mahte i an i download khawh ve nâkhnga theihternâk kan tuah piak ve ding in kan in nawl hna.

Pathian nih hngalhternâk a fehter : Ngakchia deuh hna caah Biakam Hlun tuanbia hna

Pathian nih hngalhternâk a fehter : Ngakchia deuh hna caah Biakam Hlun tuanbia hna

Hi cauk nih hin cawnnâk 64 a ngei i ngakchia kum 3 in kum 6 tiang Kawhhran Sunday School hna ah cawnpiak ding i timtuah mi a si.

Pathian nih khuaruahhar a thiltikhawh `hawnnâk le a tuahmi thil lianngan kha a langhter cang. Hi cawnnâk nih hin Biakam Hlun tuanbia hna chung i a biapi khun mi (a chim duh mi) te te hrilhfiahnâk hmang in Pathian lianngannâk kha kaudeuh in a langhter. Bible tuanbia hna tu cu `ial an si lo; cawnpiaktu hna nih zeitik hmanh ah â thleng bal lomi Pathian kha ngakchia hna an theihter khawh nâkhnga Bible hlathlainâk le timhtuahnâk tlamtling an ngeih ding cu a biapi ngai ngai.

Download khawh mi hna:

  • Cawnpiaktu hman ding cauk le thilri hna
  • Ngakchia caah color thuh ding cauk
Cawnnâk hrampi hna hi download ve tuah
A Fapa in bia a chim : Ngakchia deuh hna caah Biakam Thar tuanbia hna

A Fapa in bia a chim : Ngakchia deuh hna caah Biakam Thar tuanbia hna

Hi cauk ah hin cawnnâk 52 a um i ngakchia kum 3 in kum 6 tiang Kawhhran Sunday School ah cawnpiak khawh an si.

Biakam Thar nih hin Jesuh Khrih a `hawnnâk le lianngannâk kha dawh ngai in a langhter. Hi cawnnâk nih hin Khrih ah Pathian lianngannâk hna kha Biakam Thar tuanbia hna i a biapi khun mi (a chim duh mi) hna chinchiahnâk hmang in a langhter. A tuanbia hna cu `ial an si lo caah cawnpiak tu hna nih Pathian Bia hlathlainâk `ha te i ngeihnâk le timtuahnâk `ha ngeihnâk hmangin a Fapa lanin â phuanmi Pathian cu ngakchia kha an theihter khawh hna lai.

Download khawh mi hna:

  • Cawnpiaktu hman ding cauk le thilri hna
  • Ngakchia caah color thuh ding cauk
Cawnnâk hrampi hna hi download ve tuah